IZEN-EMATE FORMULARIOA
PROIEKTUEN FORMATUAK
HISTORIKOA
Gaia ikuspuntu historiko batetik garatuko da, behar bezalako dokumentazio eta informazio iturriak erabiliz.
Dokumentuak hurrengo ezaugarriak errespetatu beharko ditu:
- Luzera: 3-5 orrialde (portada aparte)
- Hizkuntza: Euskara
- Anexorik ez
- Formatua: PDF
- Tipografia: Times New Roman 12
- Lerroartea: 1,5
- EZ idatzi egilearen izena dokumentuaren barruan
- Artxiboa izendatu honela: Abizen1+Abizen2_Izena (MartinezLopez_Amaiur)
ADI! KASU! Baldintza hauek betetzen ez dituzten proiektuak zuzenean baztertuak izango dira, ez dira ebaluaziora bidaliko eta ez dira parte-hartzaileen hautaketan kontuan hartuko.
LITERARIOA
Partaideak idazki literario original bat aurkeztu beharko du, ipuin, olerki, antzezlan edo bere hautuko beste edozein generotakoa, betiere aurten proposatutako gaiaren inguruan.
Dokumentuak hurrengo ezaugarriak errespetatu beharko ditu:
- Luzeera:
- Prosa: 3-5 orrialde
- Bertsoa: 3 orrialde
- Hizkuntza: Euskara
- Formatua: PDF
- Tipografia: Times New Roman 12
- Lerroartea: 1,5
- EZ idatzi egilearen izena dokumentuaren barruan
- Artxiboa izendatu honela: Abizen1+Abizen2_Izena (MartinezLopez_Amaiur)
ADI! KASU! Baldintza hauek betetzen ez dituzten proiektuak zuzenean baztertuak izango dira, ez dira ebaluaziora bidaliko eta ez dira parte-hartzaileen hautaketan kontuan hartuko.
IKUS-ENTZUNEZKOA
Proposatutako gaietako batetik abiatuta, parte-hartzaileak ikus-entzunezko lan bat idatzi, ekoitzi eta editatu beharko du. Lana fikziozkoa, dokumentala edo esperimentala izan daiteke.
Ikus-entzunezko proiektua aurkezteko bi dokumentu bidali beharko dituzu, hurrengo ezaugarriak errespetatuko dituztenak:
1. Bideoa
- Iraupena: 2-5 minutu
- Generoa: dokumentala / fikzioa
- Hizkuntza: Euskara
- Formatua: MP4 edo AVI eta WETRANSFER esteka batean bidali
- Artxiboaren izena: abizena+izena+obra
- EZ idatzi egilearen izena dokumentuaren barruan
- Artxiboa izendatu honela: Abizen1+Abizen2_Izena (MartinezLopez_Amaiur)
2. Azalpen testua
- Luzeera: 2-3 orrialde (+ portada)
- Edukia: ekoizpen prozesuaren azalpena. Erabilitako balia-bideak, gaiaren hautaketaren zergatia, izandako zailtasunak…
- Hizkuntza: Euskara
- Formatua: PDF
- Tipografia: Times New Roman 12
- Lerroartea: 1,5
- EZ idatzi egilearen izena dokumentuaren barruan
- Artxiboa izendatu honela: Abizen1+Abizen2_Izena (MartinezLopez_Amaiur)
ADI! KASU! Baldintza hauek betetzen ez dituzten proiektuak zuzenean baztertuak izango dira, ez dira ebaluaziora bidaliko eta ez dira parte-hartzaileen hautaketan kontuan hartuko.
MUSIKALA
Gaiak inspiratutako obra musikal original bat konposatu beharko du partaideak.
* Abesti ezagunen bertsioak onartuko dira BAINA konposizio musikal originalek balorazio hobea jasoko dute.
Proiektu musikala aurkezteko bi dokumentu bidali beharko dituzu, hurrengo ezaugarriak errespetatuko dituztenak:
1. Audioa
- Luzeera: 2-8 min
- Hizkuntza: Euskara
- Formatua: MP3 edo AVI eta WETRANSFER esteka batean bidali
- Artxiboa izendatu honela: Abizen1+Abizen2_Izena (MartinezLopez_Amaiur)
2. Azalpen testua
- Luzeera: 2-3 orrialde (+ portada)
- Edukia: Obraren azalpena + Partitura/Hitzak
- Hizkuntza: Euskara
- Formatua: PDF
- Tipografia: Times New Roman 12
- Lerroartea: 1,5
- EZ idatzi egilearen izena dokumentuaren barruan
- Artxiboa izendatu honela: Abizen1+Abizen2_Izena (MartinezLopez_Amaiur)
ADI! KASU! Baldintza hauek betetzen ez dituzten proiektuak zuzenean baztertuak izango dira, ez dira ebaluaziora bidaliko eta ez dira parte-hartzaileen hautaketan kontuan hartuko.
PLASTIKOA
Teknika librea erabiliz (margolana, collage, eskultura, argazkilaritza…) jorratu ezazu gogokoen duzun gaia.
GOGORATU!
Beranduenez martxoaren 8rako artelan originala hurrengo helbidera iritsi behar da eta postaz bidaliz gero beranduenez martxoaren 13rako.
EuskarAbentura Elkartea
Errotatxu Industrialdea (GetxoGaso) Z.G
48993 – Getxo
Gasolindegiko dendan utzi
* Aurkeztutako proiektuak ezingo dira berreskuratu.
Proiektu plastikoa aurkezteko hiru dokumentu bidali beharko dituzu, bata fisikoki eta beste biak formularioaren bitartez, hurrengo ezaugarriak errespetatuko dituztenak:
1. Artelana (fisikoki ekarri edo korreo arruntez bidali)
- Gehienezko tamaina: 50 x 70 x 20. Neurri horietara egokitzen ez diren proiektuak
ez dira onartuko. - Materiala/teknika: Askea (beira eta manipulatzean arriskutsuak izan daitezkeen
materialak ez erabili). - Ez dadila autorearen izena agertu.
2. Azalpen testua (formulario bitartez)
- Luzeera: 2-3 orrialde (+ portada)
- Edukia: Obraren garapenaren eta kontzeptuaren azalpena
- Hizkuntza: Euskara
- Formatua: PDF
- Tipografia: Times New Roman 12
- Lerroartea: 1,5
- EZ idatzi egilearen izena dokumentuaren barruan.
- Artxiboa izendatu honela: Abizen1+Abizen2_Izena (MartinezLopez_Amaiur)
3. Artelanaren argazkia (formulario bitartez)
- Formatua: PDF
- EZ idatzi egilearen izena dokumentuaren barruan.
- Artxiboa izendatu honela: Abizen1+Abizen2_Izena (MartinezLopez_Amaiur)
ADI! KASU! Baldintza hauek betetzen ez dituzten proiektuak zuzenean
baztertuak izango dira, ez dira ebaluaziora bidaliko eta ez dira
parte-hartzaileen hautaketan kontuan hartuko.
SORMEN DIGITALA
Garatu ezazu aukeratutako gaiari buruzko webgune, blog, bideo-joko, aplikazio edo izaera digitalezko beste edozein sorkuntza. Garatutako produktuaren garapena azaltzen duen idazlan labur bat bidali beharko duzu. Bertan, lana ikusteko modua ere azaldu behar da: lana publikoa badago, esteka gehitu, eta lana ikusteko deskargatzea beharrezkoa bada, deskargatu ahal izateko esteka. Bestetik, posiblea den kasuetan garatutako lana osatzen duten fitxategiak ere bidali, konprimatutako fitxategi batean.
Sormen digitaleko proiektua egiten baldin baduzu, bi fitxategi bidali beharko dituzu, hurrengo ezaugarriak errespetatuko dituztenak:
1. Garatutako lana
- Proiektua ikusteko edota deskargatzeko esteka azalpen testuaren baitan bidali.
- Power Point-ak ez dira onartzen.
2. Azalpen testua
- Luzeera: 2-3 orrialde (+ portada)
- Edukia: produktuaren ideia, erabilitako teknologiaren azalpena, tresnaren azalpena (pantaila kapturekin) eta zailtasun nagusien ebazpena.
- Hizkuntza: Euskara
- Formatua: PDF
- Tipografia: Times New Roman 12
- Lerroartea: 1,5
- EZ idatzi egilearen izena dokumentuaren barruan
- EZ idatzi egilearen izena argazkian
- Artxiboa izendatu honela: Abizen1+Abizen2_Izena (MartinezLopez_Amaiur)
ADI! KASU! Baldintza hauek betetzen ez dituzten proiektuak zuzenean
baztertuak izango dira, ez dira ebaluaziora bidaliko eta ez dira
parte-hartzaileen hautaketan kontuan hartuko.
PROIEKTUEN GAIAK 2024
EUSKARA BATUA ETA EUSKALKIAK
Euskara hizkuntza moduan indartzeko, 1968. urtean euskara batua sortu zuen Euskaltzaindiak. Gure hizkuntza hain anitza izanik, lurraldez lurralde eta herriz herri, modu ezberdinetan hitz egin, ahoskatu eta idazten zen. Euskararen erabilera orokortu eta prestigioa irabazi nahi baziren, hau da, instituzioetan sartu, komunikabideak sortu, oinarrizko hezkuntzan eta unibertsitatean erabili, herritar ezberdinen arteko ohiko hizkuntza bihurtu, besteak beste, euskara estandar bat zehaztu beharra zegoen. Horrek, noski, gizarte mailan hainbat eztabaida sorrarazi zituen, aldeko zein aurkako iritziak sortu ziren. Izan ere, euskara batua, helburu hauek lortu ahal izateko moldatu zen hizkuntza aldaera bat da, Euskal Herriko euskalki ezberdinekin osatu zena. Halaber, hainbat lagun beldur ziren euskararen bateraketa edota estandarizazio honek euskalkien kontserbazioan eragingo ote zuen. Aitzitik, batua euskaldun askoren komunikatzeko bidea da egun, izan esparru formalean eta informalean, eta, era berean, euskalkiak hein handi batean mantendu egin direla esan daiteke.
Edonola ere, euskaldunek euskara batua onartu dutela eta zilegitasuna eman diotela uste al duzu? Euskara batuak euskalkiak zapaltzen edota baztertzen dituela uste duzu? Edo alderantziz, euskalkiek prestigio gehiago dutela esango zenuke? Antagonikoak al dira?
Bestalde, euskara batuak euskal herritarron sarea bermatzen duela esango zenuke? Zenbateraino da baliagarria edota garrantzitsua euskara batua euskaldunontzat?Nola irudikatzen dituzu, esaterako, hezkuntza sistema edo komunikabideak euskara baturik egongo ez balitz? Nola moldatuko ginateke euskalki ezberdinetan mintzo garen euskaldunok euskara batua existituko ez balitz?
Amaitzeko, euskalkiak Euskal Herriko aniztasunaren adierazgarria dira, baita nortasunerako elementu garrantzitsua ere. Zein egoeratan ikusten dituzu euskalkiak? Zein da Euskal Herrian euskalkiek duten tokia? Zaindu beharra dagoela uste duzu? Horrela izatekotan, nola egin liteke hori?
UTOPIA
Eduardo Galeanok behin esan zuen: “Utopia ortzemugan dago. Bi pauso ematen ditut gerturatzeko, baina bi pauso urrunago joaten da; hamar pauso hurbiltzen naiz eta ortzemuga hamar pauso aldentzen. Beraz, zertarako utopia? Horretarako, ba: ibiltzeko.”
Historian zehar pertsonok etengabe irudikatu izan dugu bizi ginena baino hobea izango zen etorkizun ideal bat. Horretarako, norbera bizi den errealitatearen azterketa eta kritika egin beharra dago: ondo dagoena, aldatu nahi duguna eta desagerrarazi nahi duguna identifikatuko ditugu elementu horiek mantendu, moldatu edota desagerrarazteko.
Zaila dirudi gaur egun etorkizuna nolakoa izango den irudikatzea, batez ere bizi ditugun aldaketak, krisi klimatiko eta ekonomikoak eta nazioarteko gerrak kontuan izanik. Aitzitik, hau da momentu egokiena idealistak izateko, gure ametsetako mundua irudikatzeko eta bertara iristeko bideak pentsatzeko. Ez da errealista izateko momentua, pentsa dezagun ezinezkoa dirudien jendarte eta mundu perfektu bat!
Nola irudikatzen duzu etorkizuna? Mundu horretako zein elementu ditugu gaur egun eta zeintzuk aldatu dira? Zer egin behar dugu mundu perfektu bat egikaritzeko?
EMAKUMEAK ETA KIROLA
Harremantzeko modua, elkarbizitzeko era, emozioen iturri, identitateen indargarri, osasunaren sorburu eta baita negozio ere, guzti hori da kirola.
Gizartea, kirol munduan, gizon eta emakumeen arteko desberdintasun honen erakusleiho izan da urteetan zehar, eta neurri batean, konplize ere bai. Kirol munduan emakumeen presentzia, parte-hartzea eta ordezkaritza jarduera zehatz batzuetara mugatu ohi da, hain zuzen ere feminitatearekin lotzen ditugun ezaugarriak dituzten kirol horietara. Gaur gaurkoz “nesken” eta “mutilen” kirolak argi eta garbi identifikatzen jarraitzen dugu, feminitatearekin eta maskulinitatearekin duten loturaren arabera: gizarteak irakatsitako genero kodeen arabera, alegia.
Kirol munduko topikoek emakume zein gizonezkoei kirol jakin batzuk egitera bultzatzen gaituzte eta sakon ainguratutako pentsaera hauekin jarraituz gero, esparru honetan “berdintasun” hitza hankamotz gelditzen da. Honekin batera diskriminazioa nagusi izaten da jarduera fisikoko esparru askotan, hots, matxismoaz ari gara.
Beraz, egun kirolaren esparruan parekotasunik ba al dago emakume eta gizonezkoen artean? Emakumeek mutilek adina kirol egiten dutela esango zenuke? Kasualitatea al da hori?
Nondik hasi beharko ginateke pentsaera edota topiko hauek ezabatzen? Ezagutzen al duzu genero aurreiritziak hautsi dituen kirolariren bat? Zein da zure kirolari erreferentea eta zergatik?